រយៈពេលជាង២០ឆ្នាំដូចគ្នា យួនប្តូរនាយករដ្ឋមន្ត្រី៤នាក់ រីឯខ្មែរនាយករដ្ឋមន្ត្រីមិនប្តូរ មានតែម្នាក់គឺបុរសខ្លាំង
ខេត្តស្ទឹងត្រែង៖ឃ្លាំងឈើដែលគេដឹងថាជាអតីតរបស់លោកឧកញ៉ាទ្រីភាពមានទីតាំងនៅ ចំណុចវាយថ្មស្ថិតក្នុងភូមិកញ្ចាញគោក ឃុំស្រែសំបូរ ស្រុកសៀមប៉ាងខេត្តស្ទឹងត្រែង ក្រោយពីទទួលបានអាជ្ញាប័ណ្ណដឹកជញ្ជូនចេញអស់ នៅសល់តែផ្ទះកម្មករកំពុងរុះរើ នៅល្ងាចថ្ងៃទី១៩កុម្ភៈម្សិលមិញនេះ ត្រូវបានរងការឆាបឆេះយ៉ាងខ្លាំរហូតមកដល់ថ្ងៃ២០នេះ
មិនទាន់រលត់នៅឡើយ។
អតីតឃ្លាំងឈើដែលត្រូវបានអគ្គីភ័យឆាបឆេះនេះ ត្រូវបានគេរាយការណ៍ថាបន្ទាប់ពីមានការចុះត្រួតពិនិត្យដោយគណៈកម្មការទប់ស្កាត់និងបង្ក្រាបបទល្មើសព្រៃឈើថ្នាក់ជាតិរួចមក ត្រូវបានគេរកឃើញឈើប្រណិតនៅក្នុងឃ្លាំងជាង១ពាន់ម៉ែត្រគូប រក្សាទុកនៅក្នុងឃ្លាំងនោះ ស្ថិតក្រោមការត្រួតពិនិត្យដោយសមត្ថកិច្ចជំនាញ។
សមត្ថកិច្ចបានឱ្យដឹងថានៅចុងខែ១២ឆ្នាំ២០១៦ឈើនៅក្នុងឃ្លាំងជាង១ពាន់ម៉ែត្រគូប ត្រូវបានក្រុមហ៊ុនរបស់ឧកញ៉ាទទួលបានអាជ្ញាប័ណ្ណនាំចេញអស់នៅចុងខែមករាឆ្នាំ២០១៧ បន្សល់ទុកតែកម្ទេចឈើនិងផ្ទះកម្មករតែប៉ុណ្ណោះ។
ប្រភពបានបន្តឱ្យដឹងទៀតឈើដែលនៅសល់និងផ្ទះកម្មករជាច្រើនខ្នងបើគិតជាឈើមានរាប់សិបម៉ែត្រគូប។ ប្រហែលដោយសារពិបាកសុំច្បាប់ក្នុងការដឹកជញ្ជូននាំចេញឬ បើដឹកក៏មិនរួចខ្លួនគេបានប្រគល់ឱ្យមេការចាត់ការ តែដោយសារមេការនិងមេការ សង្ស័យចែកឈើគ្នាមិនត្រូវ បានដុតបណ្តាលឱ្យមានអគ្គីភ័យឆាបឆេះឡើង រហូតមកដល់ថ្ងៃ ២០កុម្ភៈនេះមិនទាន់រលត់នៅឡើយ។
ប្រភពបន្តថាបន្ទាប់ពីមានអគ្គីភ័យឆាបឆេះឃ្លាំងឈើនោះ ក៏មានកម្លាំងនគរបាលស្រុកចុះអន្តរាគមន៍យករថយន្តអគ្គីភ័យបាញ់ទឹកពន្លត់អស់១០រថយន្ត នៅតែមិនរលត់ដោយសារការឆេះ មានទំហំធំ និងមានខ្យល់ខ្លាំង ហើយពេលនេះនៅបន្តឆេះតែមិនបណ្តាលឆេះដល់ផ្ទះប្រជាពលរដ្ឋនោះទេ។
ឈើដែលសេសសល់នៅក្នុងឃ្លាំងគេអនុញ្ញាតិអោយប្រជាពលរដ្ឋដឹកយកទៅប្រើប្រាស់ និងធ្វើសាលារៀនហើយបច្ចុប្បន្ននៅក្នុងឃ្លាំងនោះពុំមានឈើច្រើននោះដែរ(ស៊ិក)៕
![]()
![]()
![]()