តើលោកគុណ ញឹម អគ្គនាយកគយនិងរដ្ឋាករឲ្យលោក នូ ស៊ីថា ប្រធានគយខេត្តបន្ទាយមានជ័យ និងលោក ងួនកុសល ប្រធានគយប៉ោយប៉ែត ពុករលួយ និងឃុបឃិតគ្នា អំឡុងកូវីត១៩ មែនឬ?
តើលោកគុណ ញឹម អគ្គនាយកគយនិងរដ្ឋាករឲ្យលោក នូ ស៊ីថា ប្រធានគយខេត្តបន្ទាយមានជ័យ និងលោក ងួនកុសល ប្រធានគយប៉ោយប៉ែត ពុករលួយ និងឃុបឃិតគ្នា អំឡុងកូវីត១៩ មែនឬ?
សមាគម សហពន្ធ័អ្នកសារព៏ត៏មានកម្ពុជាអង្កេតការពិត 0966635168 និង www.ktk168.com
បន្ទាយមានជ័យ ៖ សារព័ត៌មាននៅក្នុងស្រុកមួយចំនួនបានចេញផ្សាយ ពីភាពមិនប្រក្រតីច្រើនរបស់លោក នូ សុីថា ប្រធានសាខាគយខេត្តបន្ទាយមានជ័យ កំពុងឃុបឃិតគ្នា ឲ្យលោក ងួន កុសល ប្រធានការិយាល័យគយ ច្រកទ្វារអន្តរជាតិប៉ោយប៉ែតនិងបក្ខពួកប្រព្រឹត្តអំពើពុករលួយពេញបន្ទុក។ប្រភពពីឈ្មួញធំ តូចបានឲ្យដឹងថា ទោះមានកូវិដ19កាចសាហាវយ៉ាងណាក៏ដោយក្រោយពេលលោក នូ សុីថា មកទទួលបានតំណែងជា ប្រធានសាខាគយខេត្តបន្ទាយមានជ័យ នឹង លោក ងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែត ព្រមទាំងបក្ខពួកក៏នៅមានឱកាសប្រព្រឹត្តអំពើពុករលួយយ៉ាងពេញបន្ទុកដដែល។ឈ្មួញធំៗមួយចំនួនអាចនាំចូលទំនិញបង់ពន្ធមិនគ្រប់និងទំនិញខុសច្បាប់តាមច្រកទ្វារអន្តរជាតិប៉ោយប៉ែត កាន់តែច្រើនឡើងព្រោះមានការឃុបឃិតបើកដៃពី សំណាក់លោកងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែតដែលល្បីល្បាញខាងពុករលួយនោះ។ ក្រុមឈ្មួញនិងអាជីវករធំ តូចមួយចំនួនដែលរកស៊ីនាំចូលទំនិញពីប្រទេសថៃ តាមច្រកទ្វារអន្តរជាតិប៉ោយប៉ែតបានឲ្យដឹងថា ទោះបីពួកគេបង់ពន្ធគយនៅច្រកព្រំដែនរួចហើយក៏ដោយ ក៏ត្រូវមន្ត្រីគយឈ្មោះ កែវ វិរ: ដែលជាមនុស្សជំនិតរបស់លោក ងួន កុសល គាបយកលុយលើតុក្រោមតុមួយជាន់ទៀត តាមតែចិត្ត។ ប្រការនេះធ្វើឲ្យពួកគាត់ ត្អូញត្អែរ និងរបររកស៊ីស្ទើរគ្មាននៅសល់ផលចំណេញ ព្រោះដឹកមួយជើងៗត្រូវបង់ឱ្យ មួយរថយន្តទៅចាប់ពី ៣លានទៅ ៧លានរៀល ទៅមន្ត្រីគយប្រចាំស្នាក់ការការិយាល័យគយច្រកទ្វារអន្តរជាតិប៉ោយប៉ែត គាបយកលុយតាមរបៀប ពុករលួយកាន់តែ ពិបាកទៅៗ ។ មន្ត្រីគយក្នុងខេត្តបន្ទាយមានជ័យ មួយចំនួនបានឲ្យដឹងថា ការដែលលោក ងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែត និងបក្ខពួកឈ្មោះ កែវវិរ: ហ៊ានធ្វើអ្វីៗតាម អំពើចិត្តគឺដោយសារអាងមានលោក នូ សុីថា ប្រធានសាខាគយខេត្តបន្ទាយមានជ័យ ជាបង្អែកដ៏រឹងមាំរបស់ខ្លួន។ ប្រភពពីមន្ត្រីពាក់ព័ន្ធនៅច្រកទ្វារអន្តរជាតិប៉ោយប៉ែតបានឲ្យដឹងថាមួយរយៈកូវិដ19-នេះគ្រប់ទឹកតែម្តងហើយ លោក ងួន កុសល ប្រធានការិយាល័យគយច្រកទ្វារអន្តរជាតិប៉ោយប៉ែតនិងបក្ខពួកឃុបឃិតគ្នាប្រព្រឹត្តអំពើ ពុករលួយកាន់តែខ្លាំងក្លាជាងមុនហើយពួកគេប្រើឈ្មោះលោក នូសុីថា មេគយសាខាខេត្តបន្ទាយមានជ័យ មកបិទបាំងយ៉ាងរលូន។ហេតុនេះសូមលោកបណ្ឌិត គុណញឹម អគ្គនាយកដ្ឋានគយ និងរដ្ឋាករកម្ពុជា មិនគួរមើលរំលងអំពើពុករលួយ យ៉ាងពេញទំហឹងរបស់លោក នូ សុីថាប្រធានសាខាគយខេត្តបន្ទាយមានជ័យ ដែលកំពុងល្បីល្បាញខាងពុករលួយនោះទេ។ ពួកគាត់ដែលជាតំណាងឈ្មួញដឹកជញ្ជូនទំនិញតាមច្រកទ្វារអន្តរជាតិប៉ោយប៉ែតបានត្អូញត្អែហើយលើកឡើងថា សព្វថ្ងៃនេះលោកនូ សុីថា មេគយសាខាខេត្តបន្ទាយមានជ័យ និងលោក ងួន កុសលប្រធានការិយាល័យគយច្រកទ្វារអន្តរជាតិប៉ោយប៉ែតជំរឹតទារលុយច្រើនពេកធ្វើអោយពួកគាត់ពិបាកក្នុងការរកសុីខ្លាំងណាស់។គាត់បាននាំគ្នានិយាយបន្តទៀតថាបើចំពោះតែលុយបង់ចូលរដ្ឋគឺមិនអីទេ ប៉ុន្តែពួកគាត់ខ្លាចបំផុតគឺលុយក្រៅផ្លូវការគឺលុយក្រោមតុនេះឯ ។រឿងអាស្រូវច្រើនយ៉ាងបែបនេះលោកបណ្ឌិត គុណញឹម មិនគួរទុកឱកាសឲ្យលោកនូ សុីថា និងលោក ងួន កុសល គ្រប់គ្រងជាប្រធានសាខា និង ប្រធានការិយាល័យគយបន្តទៅទៀតទេ ។ សូមអានភាគបន្តនូវលេខក្រោយទៀត