អាជ្ញាធរខេត្តរតនគិរី បើកដៃឲ្យ ហូរជីវ៉ៃ ដឹកជញ្ជូនឈើ ទៅវៀតណាម យ៉ាងគគ្រឹកគគ្រេងv
ភ្នំពេញ៖អាជ្ញាធរ សមត្ថកិច្ច និងជំនាញ រដ្ឋបាលព្រៃឈើ ខេត្តរតនគិរី ត្រូវបាន មជ្ឍដ្ឋាននានា ធ្វើការរិះគន់ចំៗថា បានបើកដៃឲ្យ ឈ្មួញហូរ ជីវ៉ៃ ធ្វើសកម្មភាព ដឹកជញ្ជូនឈើ ទៅកាន់ប្រទេសវៀតណាម យ៉ាងពេញបន្ទុក ដោយសកម្មភាព បែបនេះ ជាការផ្គើនទៅនិងបទបញ្ជារបស់សម្ដេចហ៊ុន សែន ទាំងកំរោល។
លោកថង សាវុន ចៅហ្វាយខេត្តរតនគិរី បានរងការរិះគន់ថា បានបណ្ដែតបណ្ដោឲ្យ ឈ្មួញហូរ ជីវ៉ៃ កាប់បំផ្លាញព្រៃឈើ និងដឹកជញ្ជូនឈើ យ៉ាងគគ្រឹកគគ្រេង ទំនងជាមាន ការឃុបឃិតគ្នា ប្រព្រឹត្តអំពើពុករលួយ។
ឈ្មួញឈើហូរ ជីវ៉ៃ ត្រូវបានគេដឹងថា បានធ្វើសកម្មភាព ដឹកជញ្ជូនឈើ ជាលក្ខណះទ្រង់ទ្រាយធំ ប៉ាវផ្ដាច់ ទៅវៀតណាម តាមច្រកអូរយ៉ាដាវ ដោយសង្ស័យមានការ ឃុបឃិតគ្នា ជាប្រព័ន្ធ ទើបអាជ្ញាធរ សមត្ថកិច្ច ជំនាញរក្សាភាព ស្ងប់ស្ងាត់បែបនេះ។
ការដឹកជញ្ជូនឈើ របស់ឈ្មួញហូរ ជីវ៉ៃ ទៅប្រទេសវៀតណាម បានកើតមានជាយូណាស់មកហើយ មិនដែលមាន សមត្ថកិច្ចណា ចេញមុខបង្ក្រាបនោះទេ តែសមត្ថកិច្ច ទាំងនោះច្រើនតែ ចេញមុខបង្ក្រាបក្រុម អ្នកកាសែតតាមរូបឡានដឹកឈើទៅវិញ។
សេចក្ដីរាយការណ៍បានឲ្យដឹងថា ទោះបីមាន បទបញ្ជារបស់ថ្នាក់ដឹកនាំកំពូល ឲ្យបង្ក្រាបការដឹកជញ្ជូនឈើ នៅខេត្តរតនគិរី យ៉ាងណាក្ដី ក៍អាជ្ញាធរ សមត្ថកិច្ច ជំនាញខេត្តមួយនេះ មិនដែលបានយកទៅអនុវត្តឡើយ។ ពោលគឺបណ្ដែតបណ្ដោយឲ្យឈ្មួញឈើ ធំៗដឹកជញ្ជូនទៅ វៀតណាមទាំងយប់ទាំងថ្ងៃ ជាពិសេស ហូរ ជីវ៉ៃ។
ហូរ ជីវ៉ៃ ជាឈ្មួញឈើ មានខ្នងបង្អែក នៅខេត្តរតនគីរី ក្នុងការកាង ការពាររាល់ សកម្មភាព ដឹកជញ្ជូនឈើ ចេញទៅលក់នៅ វៀតណាមតាម ច្រកអូយ៉ាដាវ។
ការដែលហូរ ជីវ៉ៃ អាចធ្វើសកម្មភាព ដឹកជញ្ជូនឈើ បានដោយរលូន មិនមែន ហូរ ជីវ៉ៃ ខ្លាំងនោះទេ តែឈ្មួញរូបនេះ អាចចាយលុយ ជាមួយចៅហ្វាយខេត្តរតនគិរី ទើបដំណើរការ បានដោយមិនមាន ឧបសគ្គ៕SR
![]()
![]()
![]()